એક વર્ષ અને ઉપર દસ મહિના થઈ ગયા યાર!!! આ અત્યાર સુધીનો અહીંયાં સૌથી મોટો બ્રેક બન્યો છે. (આવો રેકોર્ડ પણ ન’તો બનાવવો જેને તોડવામાં શરમ આવે.)
હું આ સમયગાળાની વચ્ચે અહિયાં નથી આવ્યો એવું પણ નથી. (હા, ઓછો આવ્યો છું એમ જરૂર કહીશ.)
મોટાભાગે એવું બને છે કે જ્યારે લખવાના ચક્કરમાં અહિયાં આવું છું ત્યારે એમ થાય છે કે પહેલાં કઈક બદલાવ કરું. અને એ જ ચક્કરમાં પછી ફેરફાર ઉપર ફેરફાર થયા રાખે છે અને જે ઉમેરવાનું હોય એ ભુલાઈ જાય છે. (ઔર ફિર તારીખ પે તારીખ.. તારીખ પે તારીખ..)
છેવટે, બે-ત્રણ દિવસ પહેલાં થોડોક બદલાવ કર્યો છે; આશા રાખીશ કે હવે અહિયાં સુધી આવીશ ત્યારે કંઈક લખીશ પણ ખરો. (એમ એટલું સીરિયસલી નથી પણ પોતાની જાતને એક વાયદો જરૂર છે.)
છેલ્લે, કારણ વગર એમ જ એક ફોટો. (ગયા રવિવારે ત્યાં હતા તેની યાદગીરીની નોંધ તરીકે.)
