. . . ખરીદવામાં આવ્યો! અને એ પણ ઘોર અંધારી કાળી ચૌદસ ના દિવસે! (હજુ સુધી સલામત છે!)
iPhone 6
કેટેગરી ઉપકરણ
ઉપકરણ એટલે સાધન.
મારી લાઇફમાં એક્સ્ટ્રા હેલ્પ કરતા વિવિધ સાધનો વિશેની વાતો આ વિભાગમાં ઉમેરવામાં આવે છે.
નોંધઃ આ વિભાગ અપડેટ કરવામાં અમે ઉદાસીન વલણ ધરાવીએ છીએ.
Moto G, MMC 16GB & OTG Cable
– આમ તો આ કેટેગરીમાં આવે એવી વસ્તુંઓ સમયાંતરે ખરીદવામાં આવતી જ હોય છે પણ દરેકની નોંધ કરવામાં અગમ્ય કારણોસર અમે ચુકી જતા હોઇએ છીએ. (આ અમગમ્ય કારણો ખરેખર ગમે એવા નથી.)
– ખૈર, આજે લખાણપટ્ટી કરવા માટે વધારે સમય નથી એટલે સીધી જ મુખ્ય વાત પુરી કરી લઉ. ટાઇટલમાં જણાવેલી વસ્તુઓને ફ્લિપકાર્ટ દ્વારા મેળવવામાં આવી છે. સમયસર ડીલીવરી બદલ ફ્લિપકાર્ટનો આભાર અને મજબુત પેકિંગ માટે +1 ! (મેમરી કાર્ડ અને OTG કેબલના પેકિંગ ખોલવા માટે માનવીય હાથ ઉપરાંત બે-ત્રણ શસ્ત્રોની જરૂર પડી!)
– હવે, એક પછી એક વસ્તુઓ તેમના આકર્ષક ફોટો સાથે! (અહીયાં આકર્ષક ફોટો મુકવા પડે! નહી તો કોઇને એમ લાગશે કે હું કાયમ છેતરાઇ જઉ છું! જાહેરમાં તો ઇજ્જત સાચવવી પડે ને.. 😉 )
- દુરભાષ યંત્ર: Moto G (with 16GB)
- માહિતી સંગ્રહક: Transcend MicroSDHC 16GB class-10
- સુવિધા તાર: Callmate OTGMI Micro USB Cable
– આ દરેક વસ્તુઓની વિશિષ્ટતા, ખામી અને કાર્યક્ષમતા વિશે ભવિષ્યમાં લખવામાં આવશે.
– ફોટો સંયોજક: ફ્લિપકાર્ટ.કોમ
નવો કેમેરા
– થોડા દિવસ અગાઉની પોસ્ટમાં કહ્યું’તુ ને કે નવા કેમેરાના ખર્ચ અને અન્ય વિગતો જાહેર કરવામાં આવશે તો આજની પોસ્ટ તે નવા કેમેરાને નામ.
– સૌ પ્રથમ તો કેમેરાનો ફોટો:
– હવે કેમેરા વિશે થોડી માહિતી;
- કેમેરા મોડલ: Nikon D3100 (ખોખા ઉપર આવું કંઇક લખ્યું છે.)
- કેમેરા લેન્સ: Nikkor 18-55mm f/3.5-5.6G VR (આવું પણ બોક્સ ઉપર જ છાપેલું છે!)
- કિંમત: 27,150.00 (કોઇને વધારે તો કોઇને ‘ઠીક’ લાગશે, ઓછી લાગે તો કહેજો.)
- વજન: થોડુંક તો છે જ. (આટલો ખર્ચો કરીએ અને જરાયે વજન ન હોય તો કેવું લાગે?)
- આકાર: બિલકુલ કેમેરા જેવો ! (વિશ્વાસ નથી આવતો ને?)
- ઉપયોગ: ફોટો અને વિડીયો ક્લીક કરવા (અને ફોટોગ્રાફર હોવાનો દેખાવ કરવા!)
- ગુણવત્તા: સારી. (ન હોત તો પણ વખાણ તો કર્યા જ હોત.)
- મેળવેલ ઓફર: કેમેરા કીટ ઉપરાંત ટ્રાઇપોડ અને 16GB કાર્ડ બિલકુલ ફ્રી ફ્રી ફ્રી! (દરેક સ્ટોરમાં ઉપલબ્ધ નથી.)
– હજુ આ કેમેરા માટે હું સાવ નવો છું. (કંઇક ખોટું લખાઇ ગયું?) સોરી, આ કેમેરા મારી માટે સાવ નવો છે!
– હજુ શીખવાની શરૂઆત કરી છે એટલે થોડા દિવસો સુધી તો મારા શીખાઉ ફોટોને તમારા માથે (વાંચો; આંખે) મારવામાં આવશે. (નોંધ: દેખનારના આંખ-માથાની અમે કોઇ જવાબદારી લેતા નથી જેથી કોઇએ પોતાને થયેલી ઇજા દેખાડીને તકરાર કરવી નહી.)
– જુઓ મારા શીખાઉ ફોટોના કેટલાક નમુનાઓ:
– ગમે તો વાહ કહેજો, ન ગમે તો આહ કહેવાની છુટ છે! અને કોઇ જાણકાર વડીલ-મિત્રો મારા ફોટો અંગે ટીકા-ટીપ્પણી સાથે માર્ગદર્શન આપશે તો વધુ આનંદ થશે.
– બસ, આજે આટલું સહન કરી લો ભઇસાબ. બીજું ફરી કયારેક…. 🙂