તારી બાંકી રે પાઘલડી

તારી બાંકી રે પાઘલડીનું ફુમતું રે,
મને ગમતું રે..
આ તો કહું છું રે પાતળિયા તને અમથું રે…

તારા પગનું પગરખું ચમચમતું રે,
અને અંગ નું અંગરખું તમતમતું રે,
મને ગમતું રે..
આ તો કહું છું રે પાતળિયા તને અમથું રે

પારકો જાણી ને તને ઝાઝું શું બોલવું,
ને અણજાણ્યો જાણી તને મન શું ખોલવું..
તને છેટો રે ભાળી ને મન ભમતું રે મન ભમતું રે,
આ તો કહું છું રે પાતળિયા તને અમથું રે

હાથમાં ઝાલી ડાંગ કડિયાળી હરિયાળો ડુંગરો આવતો રે
હાલી લીંબુ ની ફાડ જેવી આંખડિયું ભાળી
શરમ મૂકીને તોયે થાઉં શરમાળી, તારા રૂપ નું રે
ફૂલ મઘમઘતું રે
મને ગમતું રે
આ તો કહું છું રે પાતળિયા તને અમથું રે

કોણ જાણે કેમ મારી મન ની ભીતર માં એવું તે શું ભરાયું
એક મને ગમતો આભનો ચાંદો ને, ને બીજો ગમતો તુ
ઘર માં ખેતર માં કે ધરતી ના થર માં
તારા સપનામાં મન મારૂં રમતું રે..
મને ગમતું રે,
આ તો કહું છું રે પાતળિયા તને અમથું રે…