આખરે આપણે દેશમાં ક્રિકેટની સર્વોચ્ચ ટ્રોફી લાવવા માટે સફળ થયા. અત્યારે આખા અમદાવાદમાં દિવાળીથી પણ મોટા તહેવારનો માહોલ છે. આ ઉજવણીમાં કયાંય નાત-જાત નથી દેખાતી કેમ કે આજે મારા દેશના એક-એક નાગરીકમાં માત્ર ભારતીય હોવાનો ગર્વ છે. બધા ભારતીયોને અને આપણી ક્રિકેટ ટીમને ખુબ-ખુબ અભિનંદન.

આજની આ મેચમાં ગંભીર, ધોની, ઝહીર, યુવરાજે ખરેખર સુંદર પ્રદર્શન કર્યું. ધોનીના ધુરંધરોની આ સિધ્ધિ ઇતિહાસમાં સુવર્ણ અક્ષરે લખાશે તેમાં મને કોઇ શક નથી. દેશને એક તાતણે બાંધીને લોકોને એક કરનાર આ વિક્રમના હું વખાણ કરતા થાકુ એમ નથી. લોકોને વિનંતિ કે ઉજવણીના ઉત્સાહમાં અતિરેક ન થાય કે કોઇને નુકશાન ન થાય તેનુ ધ્યાન રાખજો પણ ઉજવણી તો કરજો જ. ચાલો હું હવે જાઉ છું..

આવજો.

આમ તો મને હાલની ભારતની ક્રિકેટ ટીમ પર ઘણો ભરોસો છે પણ કયારેક ખબર નહી કેમ આ ટીમ બીચારી બની જાય છે એ સમજાતુ નથી…

આયર્લેન્ડ સામેની ભારતની જીત ભલે થઇ હોય પણ ભારતની જીત તેની મહત્વકાંક્ષાને છાજે તેવી ના કહેવાય.

જો કે ઇંગ્લેન્ડ જેવી ટીમને હરાવ્યા બાદ એ પણ માનવું પડે કે આયર્લેન્ડની ટીમમાં કંઇક ખાસ જરુર છે અને એ અપસેટના કારણે તો ધોનીએ કહ્યું હતુ કે અમે આઇરીશ ટીમને સરળતાથી નહી લઇએ. ભારત તરફથી બોલીંગમાં ઝહીર અને યુવરાજ સફળ રહ્યા પણ તેની સામે બીજા કોઇ બોલર ચાલ્યા જ નહી. જે રીતે બેટીંગ લાઇનપ વિખેરાઇ ગઇ તે જોતા હજુ વધુ પરિપકવતાની જરુર હોય તેમ જણાય છે.

ધોનીની ટીમમાં વિશ્વ-વિજેતા બનવાની લાયકાત જરુર છે પણ હાલના સંજોગોમાં તે લાયકાતને માત્ર લાયકાત જ ગણવી પડે તેમ છે. હવેની લગભગ દરેક મેચ માં ભારત તરફથી કોઇ સારા પ્રદર્શનની આશા જરુર રહેશે. ૨૫ માર્ચ ના દિવસે નેધરલેન્ડ સામેની ક્રિકેટ-મેચમાં ધોનીના ધુરંધરોને વધુ મહેનતની જરુર નથી લાગતી પણ હવે વિશ્વ-કપની કોઇ પણ મેચને સરળ ના સમજવી જોઇએ. આમ પણ ભારતીય ટીમ પર લોકોને અને ખાસ મને ઘણી આશાઓ છે.