– પ્રથમ તો સૌને શુભ દિપાવલી. 🙏 (જુનો રિવાજ છે ભાઇ, આજે કહેવું પડે!)
– પાછલાં દિવસોમાં કામકાજની વ્યસ્તતામાં ઘણું નોંધવાનું ચુકી જવાયું પણ મસ્તીથી જીવાયું. વ્યસ્ત રહેવામાં ઘણો આનંદ આવ્યો. (અને જીવન મસ્તીથી જીવવું મારી દ્રષ્ટિએ વધુ અગત્યનું છે.)
– ૩૦’ઑકટોબરના દિવસે અમારા સુખી લગ્નજીવનને ત્રણ વર્ષ પુરા થયા. 🥳 (હા, ભાઇ સુખી જ છે તો તેમાં કોઇને વાંધો નથી ને?) દિવસે તો સમય નહોતો એટલે રાત્રે હોટલમાં સહપરિવાર ડિનર1 કરીને ઉજવવામાં આવ્યો.
– કાલે વ્રજને ત્રણ મહિના પુરા થયા. તેની આ પહેલી દિવાળી છે, પણ હજુ ઘણો નાનો છે એટલે કોઇ ખાસ તૈયારીઓ નથી કરી.
– આજથી સાત દિવસનું વેકેશન છે અને આ રજાઓમાં સાસરીયે જવાનો કાર્યક્રમ ગોઠવવામાં આવ્યો છે એટલે તે સમય દરમ્યાન અન્ય કોઇ સાથે મુલાકાત નહી થઇ શકે. (બે વર્ષથી સસરાના ઘરે પગ ન મુકવાની આ સજા છે!!)
– રજાઓ માટે કોઇ પ્લાન ન બનાવવાનો અને કાલથી પાચ દિવસ માટે મારી જાતને સાસુ-સસરા અને સાળીના હવાલે કરવાનો હુકમ છે. (આવો હુકમ કોનો હોઇ શકે એ તો તમે સમજી શકો છો..) હવે જોઇએ ત્યાં મારા કેવા હાલ થાય છે…
*સાઇડટ્રેક – સાળાનું સુખ (કે દુઃખ) મારા નસીબમાં નથી. 😇
– હમણાં જ એક-બે મેસેજ આવ્યા કે નવા વર્ષે કોઇ સુંદર સંકલ્પ લેજો. જીવનના પાછળના વર્ષોમાં સંકલ્પ લીધા બાદ તેને જે-તે વર્ષ દરમ્યાન પાળવાનું પ્રમાણ જોતા છેલ્લા ત્રણેક વર્ષથી સંકલ્પ ન લેવાનો જ સંકલ્પ લઇ લીધો છે. (અને આ સંકલ્પનું સંપુર્ણ પાલન પણ થયું છે!)
– છતાંયે આ નવા વર્ષે કોઇ સંકલ્પ લેવો જ પડે એમ હોય તો આવનારા વર્ષ માટે કંઇક આવો સંકલ્પ લઇ શકાય; ‘પડશે એવા દેવાશે.. બાકી બધુ જોયું જશે.. (આમ પણ જીવનને પ્લાન કરીને ચાલવું મને ફાવે એમ નથી)
– હવે, કાલે તો હું કોઇ પોસ્ટ મુકવાનો નથી એટલે આજે જ બધાને હેપ્પી ન્યુ યર, સાલ મુબારક, નવું વર્ષ મંગળદાયી હો એવી શુભેચ્છા તથા નુતન વર્ષાભિનંદન…
– તો મળીયે, નવા વર્ષે..
👍
