ટૅગ વરસાદ
July’13 : અપડેટ્સ
. . .
– આપ સૌનું મારા બગીચામાં સ્વાગત છે. આજે કદાચ આપને સવાલ થશે કે ઑગષ્ટમાં આ જુલાઇની અપડેટ્સ કેમ? મારી કોઇ ભુલ તો નથી ને? (જો આ સવાલ નહી થયો હોય તો હવે થશે અને થવો જ જોઇએ !!)
– જુલાઇ મહિનો આખો પુરો થઇ ગયો અને મારા બગીચામાં છેક આજે તેની અપડેટ્સ મુકવાનો ટાઇમ મળ્યો છે એટલે થયું કે ભલે મહિનો બદલાઇ ગયો હોય પણ અપડેટ ચુકી જઇએ એવું ન બનવું જોઇએ. (વરસાદની સીઝન હોય ત્યારે મારી સાથે આવું થાય એ સ્વાભાવિક છે. તેના કારણો માટે જુઓ – ‘આ પોસ્ટ‘)
# સૌ પ્રથમ આખા મહિનાની મુખ્ય હાઇલાઈટ્સ પર એક નજર:
- વરસાદ – બફારો – ભુવા – અ મ્યુ કો – બિમારી
- મારી હેલ્થ – છોટુના કારનામાઓ – અન્ય અપડેટ્સ
- રાજકીય – ઘટનાઓની નોંધ – ટીપ્પણીઓ
- એક્સ્ટ્રા / નકામી વાતો
# હવે અપડેટ્સની વિસ્તૃતમા નોંધ લઇએ…. શરૂ કરીએ છીએ હવામાન બુલેટીનથી:
– વરસાદ એકંદરે સારો કહી શકાય એવો છે. પણ વાતાવરણમાં બફારો અને ભેજ એટલો છે કે પરસેવે ભીંજાયેલા રહીએ.
– આ વખતે વરસાદમાં હજુસુધી કોઇ મોટા નુકશાનના સમાચાર નથી. (અરે યાર, બે ઇંચ વરસાદ પડે તોયે અમદાવાદના રસ્તાઓમાં પાણી ભરાઇ જાય અને બે-ત્રણ ગરનાળા ઉર્ફે એંડરબ્રીજ બંધ કરવા પડે એ તો હવે સામાન્ય ઘટના કહેવાય.)
– ન્યુઝપેપરમાં દરરોજ રસ્તાઓના ‘ભુવા’ના ફોટો ન જોઇએ આશ્ચર્ય થાય છે! અ.મ્યુ.કો. ની આ એક ઉપલબ્ધી ગણી શકાય. (તેનો મતલબ ભુવા પડતા નથી એવો ન કરવો, આ તો છાપાવાળાઓને હવે ભુવા’ના ફોટો છાપવામાં રસ નથી રહ્યો એટલે..)
આજે સમજાયું…
મને આજે સમજાયું કે, મારો સ્વભાવ દેડકા જેવો છે; કેમ કે મારું મન વરસાદ જોઇને ખુશ-ખુશ થઇ જાય છે, દિલ ગાર્ડન-ગાર્ડન થઇ જાય છે અને હું મોટે-મોટેથી ગીતો ગાવા લાગું છું!
ખાસ નોંધ: ઉપરોક્ત સરખામણી કોઇ વિષયના વસ્તુ પ્રત્યેના ભાવ અને વ્યક્તિના સ્વભાવમાં રહેલી વસ્તુ પ્રત્યેની સામ્યતા વ્યક્ત કરે છે. ઉપરોક્ત વિષયની અન્ય ખાસિયતો સાથે વ્યક્તિનો કોઇ સીધો સંબંધ નથી. જો કોઇ સંબંધ જણાશે તો તેને માત્ર સંયોગ કહેવાશે.