Prada to Nada!

~ આ નામથી કોઇ મુવી યાદ છે? નથી..? 🙁 ઓકે.. પણ મને યાદ છે. સરસ મુવી છે. એકવાર જોવાય.

~ પણ આજે તે મુવી વિશે કોઇ વાત નથી કરવી. ‘Prada to Nada’ ટાઇટલને માત્ર રૂપક¹ તરીકે ઉપયોગમાં લેવામાં આવ્યું છે!

~ હા તો વાત એ છે કે અગાઉ જે ઠંડા પ્રદેશની સહેલગાહ વિશે જણાવ્યું હતું તેવા સિમલા, મનાલી, ડેલ્હાઉઝી, ધરમશાળા, ખજ્જીઆર જેવા ઠેકાણે મસ્ત મૌસમમાં દિવસો વિતાવ્યા પછી અમદાવાદમાં સેટ થવું અઘરું લાગે ને ભાઇ..

~ કેમ અઘરું લાગે?? એકવાર નીચેની છબીઓને જોઇ લો તો સમજાશે…

~ કહાં હિમાચલ કી વો મસ્ત વાદીયાં, ઔર કહાં અહમદાબાદ કી… (ના. મારા અમદાવાદ વિશે તો કંઇ ખરાબ પણ નહી બોલાય.)

~ ત્યાં અને અહીયાં વાતાવરણનો આટલો મોટો ફરક જોઇને અમારા માટે તો ‘Prada to Nada’ જેવી સ્થિતિ છે. (આ વિશે વધુ જાણવા જાતે જ ગુગલ કરી લેશો તો ઠીક રહેશે. સંસ્થાનો સમય બચશે. )

~ હરિયાળી, પ્રકૃતિ અને ઠંડક જોઇને મન ખુશ તો હતું. અને આટલા દિવસ બહાર વિતાવ્યા હોય એટલે અમદાવાદ યાદ આવે એ સ્વાભાવિક છે, પણ આવી ને જોયું તો અહીયાં ઓહ ગરમી, આહ ગરમી.. ઉફ્ફ ગરમી… (હું તો એવી રીતે વાત કરું છું જાણે આ પહેલા ક્યારેય અમદાવાદની ગરમી જોઇ જ ન હોય! #નોટંકી 🤓)

~ સમય મળ્યે આ પ્રવાસ વિશે વિસ્તૃતમાં લખવામાં આવશે. એક-બે અલગ વિષય પર લખાયેલું પડયું છે તો વહેલા તે પહેલાના ધોરણે તે વાતને માન આપવામાં આવશે. (લી. હુકમથી) 

~ અસ્તુ.

---

*હેડર ચિત્ર ઓળખઃ હેડંબા મંદિર પાસે, મનાલી

*ઉપરોક્ત સર્વ છબીને કંડારનાર: સ્વ્યં હું!
સર્વ હક આરક્ષિત.

*ખાસનોંધઃ ટાઇટલ અત્રે સેટ નથી થતું એવું કહીને તકરાર કરવી નહી.

---