ઘણાં દિવસથી વર્ડપ્રેસમાં 143 ફોલોવર્સના આંકડા સાથે છું. ક્યારેક આંકડો 144 અને 145 સુધી દેખાયો હોવાનું યાદ છે; પણ ફરી એજ જુની જગ્યાએ આવી જઉ છું. અહીં બીજા આંકડાઓ સાથે લગાવ લગભગ છુટી ગયો છે પણ આ નંબર સાથે લાંબા સમય રહ્યા બાદ પ્રેમ થઇ ગયો છે! 🥰 (હા બોલો, અમને આંકડા સાથે પણ પ્રેમ થઇ જાય.)

તો, વિનંતી એ છે કે અત્યારે જેટલાં લોકો છે તેઓ મહેરબાની કરીને દુર ન જાય અને જો આ સંખ્યા 144 થયેલી દેખાય તો કોઇ એક સ્વેચ્છાએ નીકળી જાય. મને તો 143 જ જોઇએ. શક્યતા એ પણ છે કે આ આંકડો 142 થઇ શકે.. તો ત્યારે કોઇએ પરાણે જોડાઇ જવા વિનંતી છે. 🙏 પછી 144 થાય ત્યારે ભલે ને નીકળી જાય. (મારું સેટીંગ ન બગડે એનું ધ્યાન રાખજો ભૈ’સાબ. બધું તમારા હાથમાં છે.)

એમ તો એકાદ નંબરની હેરફેર કરવામાં હું આત્મનિર્ભર છું! 😎 (પોતે જ પોતાને Follow કરવાનો આ ફાયદો હોય છે.)

સાઇડટ્રેકઃ
આવતી કાલે એક નવી પોસ્ટ આવશે, હિંદીમાં. લખાયેલી પડી છે પણ એક દિવસમાં એક થી વધુ પોસ્ટ પબ્લીશ ન કરવાનો અમારો જુનો નિયમ છે. 😇
અલગ ભાષામાં લખવાનો પ્રયાસ કર્યો છે તો અગર સહન ન થાય તોય ગાળો ન આપતા. નાનકડા બચ્ચા સમજ કે માફ કર દેના હોં કે. ગલતી બધા સે હોતી હૈ ઔર મારાથી થોડી વધારે થઇ જાતી હૈ..