ચેતવણી અને અપડેટ

# ચેતવણી

~ જાહેર જનતા એ ખાસ નોંધ લેવી કે આજકાલ ઠંડી વધી રહી છે તો સૌએ વહેલી સવારે અને મોડી રાત્રે સ્વેટર પહેરીને જ બહાર નીકળવું…. (જુઓ…. મારા બગીચામાં પણ બરફ વરસી રહ્યો છે.. હવે તો સાચવજો હોં ને.. ) 😉

આમાં ચેતવણી જેવું કંઇ નથી અને આજે 2018 માં આ પોસ્ટ જોઇને મને પણ હસવું આવ્યું! 😀 ખૈર, પેલી બરફ વરસવાની વાત તો ટોટલ આઉટ-ઓફ-ડેટ છે. આ તો જુના ટાઇમમાં લખાયેલું છે અને તે સમયની મારી નાદાની બતાવતી યાદગીરી છે એટલે એમ જ રહે તેમાં તેની શોભા છે!1અપુન તો ઇમોશનલ હો ગયા યાર..[/efn_mote/

# અપડેટ્સ #

– મોબાઇલથી ટ્વીટર પર ટ્વીટ કરવાની શરુઆત…. એ પણ આપણી ગુજરાતીમાં !!!! (ટ્વીટરનું મારા બગીચા સાથે જોડાણ ઘણાં સમયથી હતું પણ હવે રેગ્યુલર ઉપયોગમાં લેવાની ઓફિસિયલ શરુઆત કરી છે.)
કોઇને મારી સાથે જોડાવાની ઇચ્છા હોય તો.. ક્લિક કરો – https://twitter.com/bagichanand

– મોબાઇલથી ગુજરાતીમાં લખવું પ્રમાણમાં અઘરુ કામ છે. (પણ… આપણે તો ગુજરાતીમાં જ પોસ્ટ કરવા મક્કમ છીએ.)

– અણ્ણાજીને આંદોલન તો કરવું જ પડશે… (જોયું… મે તો પહેલા જ કહ્યુ’તુ ને….)

– લાલુ એ (સોરી.. લલ્લુએ) લોકપાલમાં પણ અનામતની માંગણી કરી છે !!!! (ભગવાન જાણે શું થશે આ લોકપાલનું ?)

– સચિનને ભારતરત્ન તરીકે નવાજવાનો રસ્તો ખુલ્લો. (પેલા હોકીવાળા ધ્યાનચંદ ભાઇની સક્ષમ દાવેદારી છતાં તેમનો નંબર અહી નહી આવે તે ચોક્કસ લાગે છે.)

# અગાઉની પાસવર્ડ પ્રોટેક્ટેડ પોસ્ટ મુકવાથી થયેલુ નુકશાનનું સરવૈયુ :

  • ત્રણ ફેસબુક ફેન્ડ.
    (બે જણની તો ખબર પડી, પણ આ ત્રીજું કોણ ગયું છે તે સમજાતુ નથી!)
  • તમે અમને અંગત નથી સમજતા?” – આ સવાલ સાથે પાચેક મિત્રોએ પોતાનુ મોટું દુઃખ વ્યક્ત કર્યુ..
    (હવે… દરેકને તો અંગત ન જ કહી શકાય ને.. પણ તેમને કેમ સમજાવવા ?)
  • મારા બગીચાના ફેસબુક-પેજને 2 લોકો દ્વારા unlike કરવામાં આવ્યું.
    (જો કે આ સજ્જનો કોણ હતા તે પણ જાણી શકાયુ નથી.)
  • અને થોડો (ઘણો) ઇમોશનલ અત્યાચાર….
    (આ વિશે કંઇ કહેવા જેવુ નથી રહ્યુ..)

~ બીજુ પણ ઘણું-બધુ છે પણ તે ફરી કયારેક…

bottom image of blog text - ચેતવણી અને અપડેટ

ગુગલ+ અને હું… (મારો અનુભવ)

. . .

બે દિવસ પહેલા મુકેલા તળાવના ફોટો લોકોને બહુ ગમ્યાં તે જાણીને મને પણ આનંદ થયો. (ક્યારેક મારી કોઇ પોસ્ટ લોકોને ગમે પણ છે !!!) આજે મારા બગીચામાં ગુગલ+ નામના નવા આવેલા વેબ-ગતકડાંની પંચાત કરવાની છે.

આજકાલ ફેસબુક મારો ઘણો સમય લઇ લે છે. અને મને પણ મજા આવે છે.. લોકો સાથે વિચારો વહેંચવાની, તેમની વાતો સાંભળવાની, નવું-નવું જાણવાની અને બીજુ ઘણું બધું.. હવે તો ઘણાં મિત્રો બની ગયા છે. ઘણાં ખાસ મિત્રો પણ મળ્યા છે. શ્રી મનસુખભાઇ, તુષારભાઇ,  હિંમતભાઇ, બધીર અમદાવાદીજી, સુષ્માજી, વિપુલભાઇ શાહ, ભુપેન્દ્રસિહજી, સત્યભાઇ, દિપ્તીજી, રાજીવભાઇ, યોગી વચન, વિનુભાઇ, મનિષાજી અને બીજા ઘણાં બધા મિત્રો છે જેઓએ મારી દુનિયામાં એક અલગ હિસ્સો બનાવી લીધો છે..

હવે વાત “ગુગલ+” ની.. ત્યાં જોડાઇને શરુઆત તો કરી છે… થોડુંક નવું જરુર છે પણ ઘણું સહેલું છે. તો મુળ વાત પર આવી ને આપને “ગુગલ+”નો મારો અનુભવ જણાવું.. વાત જરા એમ છે કે અહીયા લોકોને મિત્ર નથી બનાવવાનાં !!!!(ગભરાશો નહી મારા ભાઇ – બહેન.. આ એક સોસીયલ નેટવર્કિંગ સાઇટ જ છે એટલે મિત્રો નામના સામાજીક પ્રાણીઓ તો પહેલા આવશે.. પણ વાત જરા અલગ પ્રકારની છે.) અહીં આપણાં મિત્રોને સર્કલમાં ઉમેરવાના હોય છે અને મિત્રો આપણને તેમના સર્કલમાં ઉમેરે છે. મતલબ ગોળ-ગોળ રમવાનું છે !!!! (આઇ મીન… સર્કલ-સર્કલ.)ગુગલ+  - Google+

સાચું કહું… પહેલી નજરે મને આમાં ફેસબુક અને ટ્વીટરની ભેળસેળ કરી હોવાની ગંધ આવે છે… કઇ રીતે ? … તો જુઓ.. ગુગલ+ માં “વૉલ” (News feed – wall) ની જગ્યાએ “સ્ટ્રીમ” (stream) છે. અને “Like” ની જગ્યાએ “+1” છે. પ્રતિભાવ (કોમેન્ટ) ની સગવડ અને તેને પણ “Like” એટલે કે “+1′ કરવાની સગવડ સરખી જ લાગે છે. હવે “ગુગલ+” માં ટ્વીટર જેવું શું છે તે… અહીંયા ટ્વીટરની જેમ મિત્રોએ એક-બીજાને મિત્રતા જોડાણ અરજી (Friend Request) મોકલીને એકબીજાના મિત્રો બનવાનું નથી પણ એકબીજાના અનુયાયી કે ચાહક (Follower or Fan) બનવાનું છે. જરુરી નથી કે તમે જેના ચાહક બનો તે પણ તમારા ચાહક બને જ. ટુંકમાં આ મુદ્દે ટ્વીટરની પુરી કોપી !! બીજા વિકલ્પ જેવા કે “Hangout”, “Chat with friends”, “Suggestion” વગેરે વગેરે બધી જગ્યાએ હોય એમ જ છે. આ ઉપરાંત કેટલીક પ્રખ્યાત ઇંટરનેટ સર્વિસનો અહી સરવાળો પણ કરવામાં આવ્યો છે. (નામ-રૂપ જુદા અંતે ઓ હેમનું હેમ જ હોય !!)

હજુ ઘણાં ઓછા લોકો અહીંયા આવ્યા છે. એટલે કયારેક નિરવ શાંતિ જણાય છે…(ફેસબુકની જેમ ધડાધડ સ્ટેટસ, ગીત, શાયરીઓ કે ફોટાઓ અને તેના ટેગ મુકતા લોકો હજુ અહી સુધી પહોંચ્યા નથી લાગતા !!!) મે મારા ફેસબુક મિત્રો માંથી ઘણાં લોકોને મારા “ગુ+” [ગુગલ+] સર્કલમાં ઉમેર્યા છે તો ઘણાં લોકોએ મને તેમના સર્કલમાં ઉમેર્યો છે.. (મે જેમને ઉમેર્યા છે તેઓને હું લગભગ જાણવાનો દાવો કરું છું પણ મને ઉમેરનાર દરેકને ઓળખવાની હું ખાતરી આપી ન શકું.)

આમ તો હું શાંતિનો ચાહક છું. (યાર… તમે હજુયે ગુજરાતી ભાષાની આ કમજોરી પર હસો છો.. સમજી ગયા છો તો આગળ વાંચો ને…) અને મને અહીં શાંતિ હોવાનો અહેસાસ થાય છે એટલે મને તો અહીંયા ગમશે જ. જોઇએ આ અહેસાસ કેટલા દિવસ ટકે છે. ફેસબુકમાં તો ઓરકુટવાળી બબાલો શરુ થઇ ગઇ છે – એમ લોકોને કહેતા સાંભળુ છું.. તો મને થાય કે એવું તે શું થયું હશે ઓરકુટમાં ?  (જો કે આ બાપુને ઓરકુટનો લગીરેય અનુભવ નથી હોં….આમેય જવા દો ને આપણે શું પંચાત.)

બસ ભાઇ, મારો અનુભવ તો મે લગભગ જણાવી દીધો છે.. હવે તમને આ “ગુ+” કેવું લાગ્યું તે જણાવજો.. હું તો આ ચાલ્યો શાંતિને મળવા… (બીજે કયાંય નહિ ભાઇ.. સુવા જઉ છું..) આપણે ફરી મળીશું..  આ જ જગ્યાએ.. મારા બગીચામાં.

ત્યાં સુધી… આવજો મિત્રો..