નાયરા – 2nd Birthday!

Nayra's second birthday cake. નાયરાની બીજો જન્મદિવસ

~ એપ્રિલ મહિનામાં ઉજવવામાં આવેલો નાયરાનો બીજો જન્મદિવસ જુનમાં ઉમેરવાનું યાદ આવ્યું! (હા યાર, ગાડી થોડી લેટ થઇ ગઇ.)

~ વચ્ચે ઘણી પોસ્ટ લખવામાં આવી છે¹, પણ આ વાત કેમ ભુલાઇ ગઇ એ ન સમજાયું. (આંતરીક તપાસ બાદ નક્કી કરવામાં આવશે.)

~ બીજો જન્મદિવસ છે એટલે નેચરલી નાયરા બે વર્ષની થઇ કહેવાય! બે-ચાર અક્ષર સિવાય લગભગ દરેક શબ્દના સાચા ઉચ્ચાર સાથે લાંબા-લાંબા વાક્યો બોલતાં શીખી ગઇ છે. (અને બહુજ બોલે છે યાર, નોનસ્ટોપ.)

~ બોલવાથી યાદ આવ્યું કે ક્યારેક નાયરાના સ્પેશીયલ ઉચ્ચારવાળા શબ્દોનું લિસ્ટ બનાવવાનો વિચાર પણ કર્યો હતો. ઓકે તો આ મહિનો પુરો થાય એ પહેલા તેને ચોક્કસ અહી મુકવામાં આવશે. (બસ, બોલ દિયા.)

~ અમારી બગ્ગુ જીદ્દી અને તોફાની તો એવી જ છે; સલાહ પણ બહુ જ આપે છે. ક્યારેક આપણે શીખવેલી વાત આપણને શીખવાડે.. (સ્માર્ટ છે મારી દિકરી!)

~ સ્વભાવમાં વ્રજ કરતાં ઘણી અલગ છે અને આદતોમાં પણ. વ્રજ આ ઉંમરમાં એકલો એકલો કોઇપણ રમતમાં વ્યસ્ત રહેતો, પણ નાયરાને કોઇ તો સાથે જોઇએ જ.

~ લિપસ્ટીક, ચાંદલા, લાઇનર, હાર, બુટ્ટી, પીન કે એવી બીજી કોઇપણ શણગારની ચીજ તેનાથી દુર રાખવી પડે છે. અગર કુછ કહી ભુલ ગયે, તો ફીર ઉસે ભુલ હી જાના હોતા હૈ। (નાયરા પાસેથી પરત ન મળે!)

# જન્મદિવસ-ઉજવણીની જરુરી ફોટો યાદગીરીઓ..

# તે જ દિવસની અન્ય ક્લિક્સ…

સાઇડટ્રેકઃ બગ્ગુના પ્રથમ જન્મદિવસની યાદગીરીઓ જુઓ – અહીં

બગ્ગુ’s 1st Birthday!

આજે અમારી નાયરા આજે એક વર્ષની થઇ.

તેના જન્મદિવસ ઉજવણીની યાદગીરી રુપે બે ફોટો..

~ ઉપરનો ફોટો જોઇને આજે વ્રજના પ્રથમ જન્મદિવસને પણ યાદ કર્યો. ત્યારે અમે અલગ મુડમાં જ હતા. (કેટલો ફરક છે દિવસોમાં)

~ અમે આ એક નવી સિસ્ટમ ચલાવીએ છીએ કે જન્મદિવસ કોઇપણનો હોય ઘરમાં પણ કેક તો દરેકની મનપસંદ ફ્લેવરમાં આવશે. (મતલબ કે એક જ આખી કેકના બદલે અલગ અલગ પીસ આવે ઘરમાં!)

~ બર્થ-ડે પર કેક લાવ્યા પછી જન્મદિવસ ઉજવણીના સંપુર્ણ પશ્ચિમીકરણ તરીકે કેક કાપવાની વિધી દર્શાવતો ફોટો! (આ માત્ર વિધી જ હતી. અમે એમ તો નાયરાને સાચે કેક કાપવા ન દીધી. પછી એ તુટેલો પીસ કોણ લે?)

[170819] ફોટો અપડેટ : ગ્રીન ડે અને જન્માષ્ઠમી ડ્રેસીંગ

~ લગભગ એક વર્ષ પહેલા છેલ્લી ફોટો અપડેટ હતી. આજે ઘણાં દિવસે યાદ આવ્યું કે બીજું લખવાનો સમય ન હોય તો એકાદ ફોટો અપડેટ કરી દેવાય. (એમાં કાંઇ કોઇ ખોટું ન લગાડે.)

~ ઉપર હેડીંગમાં લખ્યું છે એમ આજે સામાન્ય ફોટો અપડેટ નથી. સ્કુલમાં કરાવવામાં આવતી એક્ટીવીટીઝ અને તેની પાછળ મેડમજીની મહેનતની નોંધ લેવા માટે આજની અપડેટ્સમાં ખાસ ફોટો ઉમેરવામાં આવ્યા છે. (આ બહાને મેડમજી પણ ખુશ થશે.)

~ આજે માત્ર વ્રજની ફોટો અપડેટ છે. નાયરા અભી બાકી હૈ મેરે દોસ્ત…. (નાની છે એટલે તેને ભુલી ગયા છીએ એમ ન સમજવું; તેના માટે પણ એક અલગ પોસ્ટ બનાવવામાં આવશે.)

# ગ્રીન ડે..

~ વ્રજને દ્રાક્ષનો ઝુમખો બનાવ્યો હતો. (અથવા તો તેને ઝુમખો જ બનાવ્યો છે એવું તેની મમ્મીનું માનવું છે. કેટલીક બાબતોમાં અમે ખોટી તકરાર કરતા નથી.)

# જન્માષ્ઠમી ડ્રેસીંગ

~ વ્રજને સ્કુલના કોઇ કાર્યક્રમમાં રાધા સાથે ડાન્સ કરવા માટે સ્પેશીયલી સિલેક્ટ કરવામાં આવ્યો હતો અને સાથે-સાથે ડ્રેસીંગ કોમ્પીટીશન પણ ખરું! અરે હા, આ દિવસે અમારા આ કનૈયાનો જન્મદિવસ પણ હતો. (આ ડ્રેસ પહેરવા વ્રજ રેડી થયો એ જ અમારા માટે મોટી વાત હતી.)

~ કહેવાની જરૂર તો નથી લાગતી છતાંયે મારી નોંધ માટે ઉમેરું છું કે વ્રજ બંને ડ્રેસીંગમાં ફર્સ્ટ આવ્યો છે!