. . .

– આજે બગીચાની બીજી બ્રાન્ચની શરૂઆત. આ વખતે વર્ડપ્રેસના બદલે ગુગલના બ્લૉગર પર પસંદગીનો કળશ ઢોળ્યો છે. (ચેન્જ… યુ નો.. ;)) બ્લૉગરને વર્ડપ્રેસથી સરળ કહેવું કે અઘરૂ તે નક્કી કરવું સરળ નથી.

– હેતુ : ફેસબુકમિત્રો સાથે વહેંચવામાં આવેલ નાના-મોટા જોડકણાં કે વાકયો જેને કદાચ ગઝલ (?) કે કવિતા (?) ગણી શકાય, તેવી રચનાઓને એક ઠેકાણે રાખવા અને વહેંચવા માટે. (હાશ…. અહી મારી વાતોની વચ્ચે હવે કવિતા કે ગઝલનો ત્રાસ નહી આવે.. 😀 😀 :D)

– બીજી શાખાનું નામ “મારો બગીચો” જ રાખવામાં આવ્યું છે. (આફ્ટરઑલ, ‘બ્રાન્ડ’ પણ એક મહત્વની ચીજ હોય છે !! 🙂 )

– ટૅગ-લાઇનમાં નાનકડો (હા હવે, નાનકડો જ કહેવાય એવો) સુધારો કર્યો છે જેથી થોડું અલગ પણ લાગે. (બ્રાન્ડીંગની સાથે-સાથે નવી જગ્યાની અલગ પહેચાન બનાવવી પણ જરૂરી હોય છે.)

– નવા બગીચાનું સરનામું : http://marobagicho.blogspot.in/

– શરૂઆત મારી એક જુની રચનાથી જ કરી છે તે ઉપરાંત અન્ય પોસ્ટ પણ ઉમેરવામાં આવી છે. (શરૂઆત કરવા જુનુ-પુરાનુ કંઇક તો નાખવું પડે ને…)

– વર્ડપ્રેસના ‘લાઇક’ બટનને ત્યાં બહુ ‘મીસ્સ’ કરીશ… (કારણ ? – આજકાલ મારા બગીચાની વાતોમાં કૉમેન્ટ કરતાં ‘લાઇક’ વધારે હોય છે એટલે…:))

– બ્લૉગરમાં customize template ની સગવડ સરસ છે. (હા, કૉમેન્ટ કરનારને તે ‘રૉબૉટ’ નથી એ સાબિત કરવું ત્રાસદાયક લાગશે.)

– આજનો આખો દિવસ બ્લૉગસ્પોટને સમજવામાં વિતાવ્યો છે. બ્લોગરના બ્લૉગ હજુ ‘.com’ અને ‘.in’ વચ્ચે મુંજાય છે.

. . .