આપણે હવે ઝઘડવું નથી..

બહુ બોલ્યા, હવેથી થોડા ચુપ રહીશું,
બીજું કાંઈ કહેવું નથી;
આપણે હવે ઝઘડવું નથી…

ઘણું લડ્યા; થાકીને એકબીજાથી વિખુટાય પડ્યા,
જે થયું, થઈ ગયું છે.. જુનું બધું યાદ કરવું નથી,
આપણે હવે ઝગડવું નથી…

પ્રેમ તારો સાચો હતો, લાગણી મારી ખોટી ન’તી,
તો માફ કરી દેવું એટલુંય અઘરું નથી,
આપણે હવે ઝગડવું નથી.

તું કહે, કેમ જીવીશું? સાથે ફરી પ્રયાસ કરીશું?
એકબીજાને જીવનભર તરસવું નથી..
આપણે હવે ઝગડવું નથી…