બ્રેક એલર્ટ!

~ જાહેર જગત નોંધ લે કે આ સંસ્થાના સંસ્થાપક (એટલે બગીચાના માળીભાઇ!) ઠંડા પ્રદેશની સહેલગાહ કરવા હેતુ લગભગ 12 દિવસ બ્રેક ઉપર રહેશે, જેથી સંપર્ક નહિવત રહે તો દરગુજર કરશો. 🙏

~ હું જાણે ખાસ હસ્તી હોઉ એવા ભ્રમમાં ઉપરોક્ત જાહેરાત કરવામાં આવી હોવાનું લાગી શકે. (મને જ લાગે છે તો બીજાને એવું જણાય તે સ્વાભાવિક છે.)

~ ‘મગજમાં રાઇ ભરાઇ જવી‘, આ કહેવત કદાચ મારા જેવા લોકોની આવી માનસિક-વિકૃતિ દર્શાવવા માટે જ બનાવવામાં આવી હોવી જોઇએ! 🙂 (સાઇડટ્ર્રેકઃ દરેક ભાષાની કહેવતોને મુલ્યવાન ઘરેણાં કહેવાય; ભાષાનો આ પ્રકાર મારો ફેવરીટ છે.)

~ એમ તો ઇંટરનેટ કનેક્ટેડ રહીશ પણ ટુકડે-ટુકડે. નોટીફીકેશનને મુડ કે સમય અનુસાર ચેક કરવામાં આવશે. (કોઇને ટુકડે-ટુકડે વાંચીને પાછળ ‘ગેંગ‘ શબ્દ યાદ આવી ગયો?, તો ઝી-ન્યુઝ સિવાય બીજી ચેનલ્સ પણ જોવાનું રાખો ભાઇ..)

~ થોડા દિવસ માટે કામકાજમાંથી બ્રેક લેવાનો છે એટલે હવે અહીં લખવા કરતા થોડું કામ પણ કરી લઉ તો મારી માટે સારું રહેશે. હે ને? (એમ જ રોજેરોજ કંઇપણ લખ્યા રાખું છું તો કોઇને જાણીને નવાઇ પણ લાગી શકે કે હું કામધંધોયે કરું છું!)

~ લગભગ અઠવાડીયાથી ઓફિસમાં ભવિષ્યનું એ આયોજન ચાલે છે કે આ દસ-બાર દિવસમાં કઇ-કઇ જરૂરિયાતો ઉદ્ભવી શકે અને કઇ-કઇ સંભાવનાઓ જન્મી શકે! (હું બ્રેક ઉપર હોઇશ, ઓફિસ તો ચાલુ રહેશે યાર..)

નીંદામણઃ રમેશભાઇ કી માં કેહતી થી, ધંધા કરને સે કોઇ છોટા નહી હોતા, ઔર ધંધે સે બડા કોઇ કામ નહી હોતા।