ફરી એક નક્કામુ સંશોધન !!!

. . .

# વાત જરા એમ બની કે…. ઉત્તરાયણના બીજા દિવસે મારું પતંગ ઉડાડવાનુ સુખ સહન ન થતા શ્રી પવનકુમારે પલ્ટી મારી હતી અને આખરે ઘણી રાહ જોયા પછી (અને પતંગ ચગાવવાના ઘણાં નિષ્ફળ પ્રયાસ બાદ) પણ પવનકુમાર હાજર ન થયા. એટલે નવરાં બેઠા-બેઠા મારા (એટલે કે “બગીચાનો માળી” પ્રોફાઇલના) ફેસબુક મિત્રો વિશે કરેલું નક્કામું (પણ મારી માટે મજેદાર) સંશોધન તમે ભોગવ્યે જ છુટકો.. :

(*દરેક જગ્યાએ ચોક્કસ સંખ્યા દર્શાવવી ખતરાસ્વરૂપ લાગી એટલે ટકાવારીમાં આંકડા જણાવ્યા છે.)

– મારા કુલ ફેસબુક મિત્રો માંથી 60 % લોકોએ મને Restricted List માં મુકેલો છે !! (વાહ વાહ.. વાહ વાહ.. )

– જો કે વધુ આશ્ચર્યજનક વાત એ છે કે 15 % લોકોએ મને ખાસ મિત્રોના લિસ્ટમાં પણ રાખ્યો છે !!! (થેંક્યુ… થેંક્યુ.. )

– ચુપચાપ remove કરનાર મિત્રો (જે મારી માટે હજુપણ મિત્રો જેવા જ છે તેવા) 2.25 % ગણી શકાય અને 0.09 % (અંદાજીત) એ મને બ્લોક કરેલ છે !! (ભગવાન તેમને પણ રાજી રાખે…)

– આ 0.75 % લોકો મારી સાથે શું share કરવું તે બાબત બહુ ચોક્કસાઇથી નક્કી કરે છે (એટલે કે જે-તે પોસ્ટ મુકવા સમયે જ નક્કી કરે છે.)

– પેલા 2 % લોકોને કઇ જગ્યાએ મુકવા તે બાબતે હું કન્ફ્યુઝ્ડ છું (કેમ કે આ લોકો મારા કરતાં વધુ ચાલાક છે એટલે તેમના મન કળવા મુશ્કેલ છે) અને બાકી રહેલ મિત્રો મારી બાબતે કન્ફ્યુઝ્ડ છે !! (આ બાબતે.. નો કોમેન્ટ્સ) 😛

– ફેક (ખોટી) પ્રોફાઇલ વાળા લગભગ ૩% હશે. (આ સંખ્યા પહેલા ૧૨%ની આસપાસ હતી જેમાંથી ૯% ને મે વિના સંકોચે બહાર કાઢી મુકયા છે.)

– મારા દ્રારા બ્લોક (Block) કરાયેલા મિત્રો (પણ… તેમાં મિત્રતાના કોઇ ગુણ નહોતા) 2% અને મારા દ્વારા Restricted List માં મુકાયેલા મિત્રોની સંખ્યા 1.5% છે.

* યે હૈ મેરી ફેસબુક-દુનિયા કા સચ !!! બોલો, હૈ ના મજેદાર…

નોંધ :
– કોઇ વાચકને (જે મારા ફેસબુક ફ્રેન્ડ પણ હોય તેને) તેમની અને મારી મિત્રતા ઉપરની કઇ કેટેગરીમાં આવે છે તે જાણવામાં રસ હોય (જેમને પોતાના સેટીંગ્સ અને મારી જાણકારી પર ભરોષો ન હોય) તો પર્સનલી મેસેજ કરજો.
– બિલકુલ સાચી અને નિષ્પક્ષ માહિતી આપવામાં આવશે. (કોઇ મિત્રને મારી સાચી માહિતીથી ખોટુ લાગે તેમ હોય તો તેઓ સમજીને દુર રહે તો સારું.)
– કદાચ સાચી માહિતીની સારી/ખરાબ અસર આપણાં ભવિષ્યના સંબંધ પર પડી શકે છે. (અને તેની સંપુર્ણ જવાબદારી જે-તે વ્યક્તિની પોતાની ગણાશે.)
– આ માહિતી તાઃ ૧૫, જાન્યુઆરી, ૨૦૧૨ની સ્થિતિ દર્શાવે છે.

. . .