ગુમાવેલું માન અને બેંકમાં કોઇને આપેલી પેન ક્યારેય પરત આવતા નથી.
—
ગમતી પેન ગુમાવ્યા બાદ મેળવેલું સ્વ્યંજ્ઞાન!
~ અહીં ‘માન‘નો ઉલ્લેખ મુળ વાતનું વજન વધારવા માટે જ કરવામાં આવ્યો છે. (એટલે જો કોઇએ ગુમાવેલું માન પરત મેળવ્યું હોય, તો તે વિશે જણાવીને અત્રે માથાકુટ કરવી નહી.)
~ ઉપરાંત ખાસ નોંધ એ પણ લેશો કે અમને દરેક વાતમાં વજન ઉમેરવાની કુટેવ પહેલાંથી છે. (અને સુધરવાનો કોઇ ચાન્સ જણાતો નથી.)
સાઇડટ્રેકઃ ચાણાક્યના સમયમાં બેંકો નહોતી; નહી તો તેઓ પણ આ ગુઢ સત્ય ત્યારે જ કહીને ગયા હોત!
~ સામાન્યરીતે કેલેન્ડરમાં ભુતકાળમાં જન્મેલા રાજપુરુષોની જન્મજયંતિ કે ભગવાનની ખાસ તીથી હોય ત્યારે આવું પાનું દેખાતું હોય છે! મોદી ખરેખર ઘણાં આગળ નીકળી ગયા…
વડનગરથી વડાપ્રધાન સુધી પહોંચેલા શ્રી નરેન્દ્રભાઇ મોદીને જન્મદિવસની શુભેચ્છાઓ!!
~ લખી રાખજો કે, ભવિષ્યમાં ભારતવર્ષ તથા તેના નાગરીકો માટે આ તારીખ અને નરેન્દ્ર મોદીનું બહુ જ મોટું ઐતિહાસિક મહત્વ હશે. મહાન નહેરુ થી દુર્ગા ઇન્દિરા સુધી આવીને અટકી ગયેલો આ મહાન દેશનો ઇતિહાસ એક નવું સિમાચિન્હ મેળવશે, એવી બગીચાનંદની આગાહી છે.
*ઉપરનો ફોટો મારા ઘરે લગાવેલા તારીખીયાના ડટ્ટાનો છે. (ડટ્ટો શબ્દ નવો લાગ્યો? હા? તો તમે ગુજરાતી નથી.)
~ કાર્તિકભાઇએ તેમની ગોળ ગોળ ધાણીનું અસલી રૂપ બતાવ્યું, તો અમને પણ બાળપણની રમતનું અમારું એવું એક અજ્ઞાન યાદ આવી ગયું! (ક્યાંક ને ક્યાંક તો આપણે સૌ અજ્ઞાની રહેવાના જ.)
~ હા તો વાત ઉપર ટાઇટલમાં લખી એ વિશે જ છે. અમે ત્યારે જેને આઇસપાઇસ કહેતા, તેને હકીકતમાં I-SPY (ગુજરાતીમેં બોલે તો, આઇ-સ્પાય) કહેવાય; એવું અમે છે…ક 30 વર્ષે જાણ્યું હતું!
~ પછી?.. પછી તો ખોબો ભરીને અમે એટલું તે હસ્યા, કે કુવો ભરીને રોઇ પડ્યા…
*અહી બગીચામાં બેસીને ભલે મોટી-મોટી વાતો કરીએ, પણ જો આજે આ ન કહ્યું હોત તો કોઇને ખબર ન પડી હોત કે, અમે બચપનમાં કેવા મુર્ખ હતા! 😀 (વૈસે મૈ મુર્ખ નહી થા; થોડા સા નાદાન થા, જજસાબ..)
